2022 жылдың 28 сәуірінде азық-түлік өнімдерін өндіру технологиялары саласында 30 жылдық тәжірибесі бар маман, Оман Сұлтандығында азық-түлік өнімдерінің сапасы мен қауіпсіздігін қамтамасыз ету бойынша менеджмент жүйесінің негізін қалаған тұлға, “Atyab International Services” бас директоры Мохиб Ахмед Хан Қазақ қайта өңдеу және тағам өнеркәсіптері ғылыми-зерттеу институтына келді. Оның назарына институттың ғылыми өнімдері ұсынылып, оның қызметі мен салаларының негізгі міндеттері мен бағыттары түсіндірілді.Қонақ сүт өңдеу, нан өнімдерін өндіру технологиясы, мал шаруашылығы өнімдерін сақтау және өңдеу, астық және мал азықтық дақылдардың тұқымдарын тазарту және т.б. зертханаларды аралады.
Мохиб Ахмед Хан мырзамен әңгіме барысында Басқарма төрағасы А. Б. Оспанов Қазақ ұлттық аграрлық зерттеу университеті базасында халықаралық азық-түлік қауіпсіздігі орталығын құру қажеттілігін атап өтті, оның міндеттеріне әлемдік озық менеджмент әдістері негізінде Қазақстандағы тамақ өнімдерінің сапасы мен қауіпсіздігін қамтамасыз ету жүйесін басқару кіруі тиіс, сондай-ақ іске асырылып жатқан мемлекеттік ғылыми бағдарламалар мен жобалар нәтижелерімен таныстырылды.
Шетелдік мейман өзіне жеткізілген ақпаратты қызығушылықпен қабылдап, ғылыми-зерттеу институттары арасындағы халықаралық ынтымақтастықтың ықтимал жоспарларын жариялады. Менеджмент пен маркетингтегі, өндірістік процестерді басқарудағы, ғылыми өнімдерді әзірлеудегі және инновацияларды коммерцияландырудағы өзара әрекеттестік мәселелері талқыланды.
