1–9 желтоқсан 2025 жылы ғылыми қызметкерлеріміз Акжанов Н., Мантай М.С., Камали А.С. және Аубакирова И.Е. Ташкент қаласында (Өзбекстан Республикасы) ғылыми-зерттеу тағылымдамасынан өтті. Оқу Ташкент химия-технология институтының базасында «Ауыл шаруашылығы өсімдік шаруашылығы өнімдері мен шикізатын қайта өңдеу және сақтау бойынша инновациялық технологияларды әзірлеу» бағдарламасы аясында жүргізілді.
Тағылымдама тақырыптары тамақ және қайта өңдеу өнеркәсібінің өзекті мәселелерін шешуге бағытталып, келесі ғылыми бағыттарды қамтыды:
– өсімдік негізіндегі сусындардың тағамдық және функционалдық құндылығын арттырудың инновациялық тәсілдері;
– біріктірілген термиялық және механикалық өңдеу әдістерін қолдану арқылы құрғақ таңғы ас технологиясын әзірлеу;
– функционалдық тағам өнімдерін алу мақсатында мақсырды өңдеудің инновациялық технологиялары.
Жалпы көлемі 72 сағатты құрайтын бағдарлама аясында қатысушылар өсімдік шикізатын қайта өңдеу және сақтау саласындағы заманауи әдістерді, тағам өнімдерінің функционалдық қасиеттерін қалыптастыру қағидаттарын, сондай-ақ технологиялық процестерді оңтайландыру және дайын өнім сапасының тұрақтылығын қамтамасыз ету тәсілдерін меңгерді. Биологиялық белсенді заттардың сақталуына, өнімнің тағамдық құндылығын арттыруға және сақтау мерзімін ұлғайтуға ерекше назар аударылды.
Сонымен қатар, біздің ғылыми қызметкерлер Ташкент химия-технология институтының зертханалық және тәжірибелік-өндірістік базасымен, өсімдік шикізатын қайта өңдеу саласында қолданылатын заманауи технологиялық және аналитикалық жабдықтармен, сондай-ақ инновациялық тағам технологияларын әзірлеу мен енгізу кезінде пайдаланылатын қолданыстағы нормативтік және санитариялық талаптармен танысты.
